Über uns

🍻Servus, Servas, Grias´de, und Habe´dere🍻

Wenn Oberbayern af Niederbayern trifft oda as Großstadtderndl af´n Dorfbua. 

Mia han´d Lonie, a waschechte Münchnerin & da Matthias, gebürtig aus am gloana Dorf in Niederbayern. Mia songs eich, an Dialekt des andern zum versteh, war anfangs gar ned so oafach 😉.

Mia han seit 2016 verheiratet und a unsre Kinder👦👧 ham des scheene Privileg, in am gloana Ort, dort wo die Welt no a bissl entschleunigt is, afwachsen zum derfa - direkt an da Grenze zur Oberpfalz 🐓.

 

Wia kam es überhaupts zu Grantler Gwand?

Die traurige Erkenntnis, dass sowohl bayerische Redewendungen als a die bayerische Mundart an sich teils doch sehr stark obnimmt, hod uns eines Abends af die Idee bracht, aus freid am Dialekt, diesem wieda mehr Präsenz zum verleihn und wia geht des bessa, ois wenn ma des af da Brust präsentiert - dort wo as blau/weiße🔵⚪ Herzal schlogt? Genau - af Textilien.

Oba es hod uns no a Name für unsre Idee gfehlt - granteln ghert zu am echten Bayer, egal ob´a vo Niederbayern, Oberbayern, vom Woid oda sonst wo her kimmt, und so kam uns die Idee "Grantler Gwand". 

 

Brauchtum & Dialekt han a wertvolles Gut, des gepflegt wern muas. Mia hoffn, eich mit unsere Motive und Sprüch die Freid am Granteln weitergem zum kenna ☺️